ஒலி வடிவில் கேட்க >>
(ஆங்கிலம் தெரியாதவர்கள் மொழிமாற்று பொத்தானை பயன்படுத்தவும்)
அறிமுகம்
- அன்னைத் தமிழ் உறவுகள் அனைவருக்கும் வணக்கம்.
- நான் உங்கள் அன்பு வழக்கறிஞர் பி.முத்துக்குமார்.
- இன்று நாம் பார்க்கப்போகும் விஷயம்: உரிமையை மீட்டெடுப்பதற்கான சரியான வழி என்ன?
தவறான அணுகுமுறைகள்
- முதலில் பஞ்சாயத்து பிரசிடெண்ட், ஊர் பெரியவர்கள் போன்றவர்களை வைத்து உரிமையை மீட்டெடுக்க முயல்கிறார்கள்.
- படித்த இரண்டு நபர்களை வைத்து பேசுவதால் நிரந்தர தீர்வு கிடையாது.
- காவல் நிலையம், இன்ஸ்பெக்டர், டிஎஸ்பி போன்றவர்களை வைத்து உரிமையை மீட்டெடுத்தாலும் அது நிரந்தரமல்ல.
- எனவே, சட்டமே ஒரே வழி.
சட்டத்தை தொடங்குவது எப்படி?
- முதலில் சரியான வழக்கறிஞரை தேர்வு செய்ய வேண்டும்.
- எப்படி தேர்வு செய்வது?
- உங்கள் பிரச்சனை எந்த நீதிமன்றத்தில் வரும் என்பதைப் பாருங்கள்.
- அந்த நீதிமன்றத்தில் இரண்டு மூன்று நாட்கள் சென்று கவனியுங்கள்.
- யார் சிவில் கேஸ் நடத்துகிறார்கள், யார் கிரிமினல் கேஸ் நடத்துகிறார்கள் என்று தெரிந்து கொள்ளுங்கள்.
- யார் நியமிதமாக கோர்ட்டில் ப்ராக்டிஸ் செய்கிறார்கள் என்பதை கவனியுங்கள்.
தவறான நம்பிக்கைகள்
- போலீஸ் ஸ்டேஷனில் அடிக்கடி இருக்கும் “கருப்பு பேண்ட் – வெள்ளை சட்டை” அணிந்தவர்களையே வழக்கறிஞர் என்று நம்ப வேண்டாம்.
- சிலர் வழக்கறிஞரே அல்ல; என்ரோல் செய்யப்படாமலே, மக்கள் மத்தியில் தவறான நம்பிக்கையை ஏற்படுத்துகிறார்கள்.
- அவர்களிடம் வழக்கு கொடுத்தால் பணமும் வீணாகும், வழக்கும் முன்னேறாது.
சரியான வழக்கறிஞரைத் தேர்வு செய்த பின்
- அவரிடம் உங்கள் ஆவணங்களை முறையாக கொடுக்க வேண்டும்.
- வழக்கறிஞருடன் விவாதித்து, எந்த ஆவணம் தேவையோ அதை சரியான நேரத்தில் தாக்கல் செய்ய வேண்டும்.
- முக்கிய ஆவணங்களை மறைத்து வைத்தால், பின்னர் தாக்கல் செய்ய முடியாமல் போகலாம்.
- தேவையானால் அமெண்டட் பிளைன்ட் மூலம் கூட திருத்தி தாக்கல் செய்யலாம்.
ஆவணங்களை சரியான நேரத்தில் தாக்கல் செய்வது
- ஆரம்பத்திலேயே பட்டா, பத்திரம், விற்பனைச் சான்று, ரிலீஸ் டீடு, உயில் போன்ற அனைத்து சான்றுகளையும் தயாராக வைத்திருக்க வேண்டும்.
- விசாரணை நீதிமன்றத்தில் (Trial Court) தாக்கல் செய்தால் மட்டுமே அதற்குப் பலன் உண்டு.
- விசாரணை முடிந்து ஜட்ஜ்மென்ட்டுக்கு சென்ற பின் புதிய ஆவணங்களை தாக்கல் செய்தால், நீதிமன்றம் ஏற்காது.
- அதனால், சரியான ஆவணங்களை சரியான நேரத்தில் தாக்கல் செய்வதே வெற்றியின் முக்கியம்.
வழக்கறிஞர் கட்டணம் (Fees)
- ஆரம்பத்திலேயே வழக்கறிஞருடன் கட்டணத்தை தெளிவாக பேசிக்கொள்ள வேண்டும்.
- சிலர் தவறாக தாமதித்தாலோ, முழுமையான கட்டணம் கொடுக்காதாலோ வழக்கு நிலுவையில் போகும்.
- வழக்கறிஞர்களுக்கு நிரந்தர வருமானம் கிடையாது; அவர்கள் கேஸ்களைப் பொறுத்தே வாழ்கிறார்கள்.
- எனவே, உரிய கட்டணத்தை சரியான நேரத்தில் கொடுத்தால்தான் உங்கள் வழக்கு முன்னேறும்.
மேல்முறையீட்டு வாய்ப்புகள்
- Trial Court-இல் ஆவணங்கள் தாக்கல் செய்யப்படாமல் விட்டால், Appellate Court (மேல்முறையீட்டு நீதிமன்றம்) Order 41 Rule 27 CPC-இன் கீழ் கூடுதல் ஆவணங்களை ஏற்கலாம்.
- ஆனால், இது நீதிமன்றத்தின் விருப்பம்; ஏற்காமலும் போகலாம்.
- எனவே, ஆரம்பத்திலேயே அனைத்து ஆவணங்களையும் சரியாக தாக்கல் செய்வது பாதுகாப்பானது.
முடிவு
- உரிய வழக்கறிஞரைத் தேர்வு செய்யுங்கள்.
- உரிய கட்டணத்தை கொடுக்குங்கள்.
- உரிய ஆவணங்களை சரியான நேரத்தில் தாக்கல் செய்து மார்க் செய்யுங்கள்.
- இவற்றை பின்பற்றினால் மட்டுமே உங்கள் வழக்கு வெற்றி பெறும் வாய்ப்பு அதிகம்
குறிப்பு: இந்த தளத்தில் வழங்கப்படும், செய்திகள், ஆணைகள், தீர்ப்புகள், சட்டங்கள், வழக்கறிஞர்களின் விபரங்கள் யாவும், தங்களின் சுய பரிசோதனைக்கு உட்பட்டவை.