தகவல் அறியும் உரிமை சட்டம் -2005 என்றால் என்ன அதன் பயன்கள் பற்றி தெரிந்துகொள்வோம்!

தகவல் அறியும் உரிமை சட்டம் 2005 என்றால் என்ன? அதன் பயன்கள் பற்றி தெரிந்துகொள்வோம்.

அரசு, தகவலை ஒளிவு மறைவின்றி தெரிவிக்கபடவேண்டும் என்ற கருத்து மேலோங்கிய நிலையில், கொண்டு வரப்பட்டதுதான் இந்தியத் தகவல் உரிமை சட்டம் 2005.

சட்டத்தின் நோக்கம் என்ன?

இந்திய அரசியல் அமைப்புச் சட்டம், நமக்குச் சில அடிப்படை உரிமைகளை வழங்கியுள்ளது. அந்த அடிப்படை உரிமைகளுக்கு மதிப்பளிக்கும் நோக்கத்துடன், 2005 ஆண்டில் தகவல் அறியும் உரிமை சட்டத்தை Exploring நிறைவேற்றியது. இந்த உரிமையை, பேச்சுரிமையின் ஒரு பகுதியாக உச்ச நீதிமன்றமும் அங்கீகரித்திருக்கிறது.

இந்த சட்டத்தின்படி, மத்திய மாநில அரசுகள் மற்றும் அரசு சார்பு நிறுவனங்களிடமிருந்து, எந்த மாதிரியான தகவல்களையும் பெற முடியும். அரசுத் துறைகளிடம், தனியார் நிறுவனங்களின் விவரங்கள் இருந்தால் அதையும் இச்சட்டத்தின் கீழ் பெற முடியும்.

இந்திய குடியுரிமை பெற்ற எவரும் இந்த சட்டத்தின் வழியாக தகவல்களைக் கோர முடியும்.

1. அரசு அலுவலகங்கள் ஒவ்வொன்றின் செயல்பாட்டிலும் வெளிப்படையான ஒளிவுமறைவற்ற நிலையைக் கொண்டு வருதல்.
2. அரசு & அரசு சார்ந்த அலுவலகங்களில் செயலாற்றுபவர்களிடையே பொறுப்புடமையை மேம்படுத்துதல்.
3. அரசு & அரசு சார்ந்த அலுவலகங்களின் செயலாற்றல் குறித்த தகவல்களைப் பெற விரும்பும் குடி மக்களுக்கு அதை அளிக்க வகை செய்தல். இதன் மூலம் லஞ்சம்- ஊழல் போன்றவற்றை ஒழித்தல்.
4. அரசு & அரசு சார்ந்த அலுவலகங்களை பொறுப்புடையதாக ஆக்குவதோடு உள்ளார்ந்த தகவல்களின் ரகசியத்தைக் கட்டிக் காத்தல்.
   போன்றவை முக்கிய நோக்கங்களாக இருக்கின்றன.

தகவல் என்றால் என்ன?

தகவல் என்பது எதை குறிப்பிடுகிறது என்கிற எண்ணம் நமக்கு வரலாம் தகவல் என்பது பதிவேடுகள் ஆவணங்கள்-கடிதங்கள் இ-மெயில்கள் – கருத்துகள் அறிவுரைகள்-பத்திரிகை வெளியீடுகள்-சுற்றறிக்கைகள்-
உத்தரவுகள்-ஒப்பந்தங்கள்-மாதிரிகள் உள்ளிட்ட அனைத்துமே தகவல் என்ற பிரிவின் கீழ் வைக்கப்படுகின்றன. இதன்படி கீழ்காணும் அனைத்தும் தகவல்கள்தான்.

1. அரசிடமுள்ள ஆவணங்களில் இருந்து குறிப்புகள் எடுத்தல்,
2. அரசின் ஆவணங்கள் மற்றும் பதிவேடுகளை நகல் எடுத்தல்.
3. அரசின் பணிகளைப் பார்வையிடுதல்.
4. அரசின் ஆவணங்கள் மற்றும் பதிவேடுகளைப் பார்வையிடுதல்.
5. சான்றளிக்கப்பட்ட மாதிரிகளைப் பெறுதல்.
6. தேவையான தகவலைத் தேவைப்படும் வடிவத்தில் பெறுதல்.

தகவல் பெறுவதன் நன்மைகள் என்ன?

தகவல்களை பெறுவதன் மூலம் என்ன நன்மைகள் கிடைக்கப் போகிறது என்கிற கேள்வி நமக்குத் தோன்றலாம். ஒரு அரசு நிறுவனத்தில் இருந்து எந்த தகவலையும் பெற முடிகிறது. இதன் மூலம் அரசு நிர்வாகத்தின் பொறுப்பும் வெளிப்படையான செயல்களும் அதிகரிக்கிறது. இதன் மூலம் ஓரளவு லஞ்சம் & ஊழல் போன்றவை குறைய வாய்ப்பிருக்கிறது. அரசு எப்படி செயல்படுகிறது என்பதையும் திட்டங்கள் அனைத்தும் மக்களை முறையாகப் போய்ச் சேருகின்றனவா என்பதையும் நாம் இந்தத் தகவல் உரிமைச் சட்டத்தின் வழியாக தெரிந்து கொள்ள முடியும். மேலும் குறைகள் இருப்பின் அதை சரி செய்ய வேண்டும் என்கிற பொறுப்பும் அரசுக்கு ஏற்படும். இதன் மூலம் இந்திய அரசியல் அமைப்பில் மக்கள் ஆக்கப்பூர்வமாக பங்கெடுத்து கொள்ள ஒரு வழி ஏற்படுகிறது.

மாநில தகவல் ஆணையம்.

தகவல் பெறும் உரிமைச்சட்டம் 2005 பிரிவு 15-ன்படி ஒவ்வொரு மாநிலத்திலும் மாநிலத் தகவல் ஆணையம் அமைக்கப்பட்டுள்ளது. தமிழ்நாட்டில் மாநில தகவல் ஆணையம் உருவாக்கப்பட்டுள்ளது இந்த ஆணையம் ஒரு மாநில தலைமைத் தகவல் ஆணையர் & இரண்டு மாநில தகவல் ஆணையர்களின் கீழ் கடந்த 07.10.2005 ஆம் தேதி முதல் இயங்கி வருகிறது.

தகவல் அறியும் உரிமைசட்டம் பிரிவு 5 உட்பிரிவு 1-ன்படி தகவலுக்காக விண்ணப்பிப்பவர்களுக்கு தகவல் அளிப்பதற்காக ஒவ்வொரு அலுவலகத்திலும் பொதுதகவல் அலுவலர் என்கிற பொறுப்பில் ஒருவர் பணியமர்த்தப்பட்டுள்ளார். மேலும் உட்பிரிவு 2-ன்படி, தகவல் கோரும் விண்ணப்பங்களை அல்லது மேல்முறையீடுகளைப் பெற்று, அவற்றைப் பிரிவு 19உட்பிரிவு 1-ன்படி பொதுதகவல் அலுவலருக்கோ & மாநில தகவல் ஆணையத்திற்கோ அனுப்பி வைப்பதற்காக அலுவலர் ஒருவர் ஒவ்வொரு உட்கோட்ட அல்லது உள்மாவட்ட நிலையில் உதவி பொதுத்தகவல் அலுவலராகப் பணியமர்த்தப்பட்டுள்ளார்.

தலைமைச் செயலகம், துறை தலைவர் அலுவலகங்கள் & மாவட்ட ஆட்சித்தலைவர் அலுவலகங்கள் போன்றவற்றில் தகவல் பெறுவதற்காக பொதுத்தகவல் அலுவலர், மேல்முறையீட்டு அலுவலர் போன்றவர்களின் அஞ்சல் முகவரி, தொலைபேசி எண், மின்னஞ்சல் முகவரி போன்றவைகள் தரப்பட்டுள்ளன. இவை குறித்த சில விபரங்கள் அரசின் இணைய தளங்களிலும் வெளியிடப்பட்டுள்ளது.

தகவல் அறியும் சட்டம்-2005
பயன்படுத்துவது எப்படி?

தகவல் அறியும் உரிமை சட்ட பிரிவு 6-ன்படி தகவல் பெற விரும்புபவர், ஆங்கிலம் & தமிழ் மொழியில் ஒரு வெள்ளைத்தாளில் எழுத்து வடிவிலோ & மின்னணு வழியிலோ உரிய அலுவலகத்திலுள்ள பொது தகவல் அலுவலர் & உதவி பொதுதகவல் அலுவலர்களிடம் விண்ணப்பிக்க வேண்டும். அதனுடன் இதற்கான கட்டணமாக
ரூ.10/- ரூபாய் பத்து மட்டும் வரைவோலை Demand Draft & அரசு கருவூல சீட்டு Treasury Challan மூலம் செலுத்தி அதற்கான சான்று இணைக்கப்பட வேண்டும். தற்போது தமிழ்நாட்டில் ரூ.10/-க்கான நீதிமனற வில்லை Court Fee Stamp அந்த படிவத்தில் ஒட்டிவிட வேண்டும். விண்ணப்பப் படிவத்தில் ரூ.10/- செலுத்திய விபரம் தெரிவிக்கப்பட வேண்டும். மத்திய அரசு நிறுவனமெனில் ரூபாய் 10‍‍ க்கான இந்தியன் போஸ்டல் ஆர்டர் Indian Postel Order இணைக்கவேண்டும்.

மேலும் விண்ணப்பதாரர் விண்ணப்பத்தில் தேவைப்படும் தகவலின் விபரங்களை எந்த வடிவத்தில் வழங்க வேண்டும் என்பது குறித்த தகவலுடன் விண்ணப்பிக்க வேண்டும். எழுத்து வடிவில் விண்ணப்பம் செய்ய முடியாத நிலையில், அதனை எழுத்து வடிவில் செய்திட அனைத்து உதவிகளையும் பொதுத் தகவல் அலுவலர் அல்லது உதவிப் பொதுத் தகவல் அலுவலர் செய்திட வேண்டும்

தகவலுக்காக விண்ணப்பம் செய்கிற விண்ணப்பதாரர்களிடம் அந்த தகவலைக் கோருவதற்கான காரணத்தைக் கேட்டல் மற்றும் அவரைத் தொடர்பு கொள்வதற்குத் தேவையான விபரங்களை தவிர தனிப்பட்ட சொந்த விவரங்கள் எவற்றையும் கோருதல் கூடாது.

ஒரு தகவலுக்காக அரசு மற்றும் அரசு சார்ந்த அலுவலகம் ஒன்றிடம் விண்ணப்பம் செய்யப்படுகிற நிலையில் அந்தத் தகவல் பிற அரசு & அரசு சார்ந்த அலுவலகங்களில் வைத்திருக்கப்பட்டதாக &அதன் உரிய பொருள் பிற அரசு& அரசு சார்ந்த அலுவலகங்களின் செயற்பணிகளுடன் மிக நெருங்கிய தொடர்புடையதாக இருக்கும் போது அந்த விண்ணப்பத்தினை & அதன் உரிய பகுதியை சம்பந்தப்பட்ட அலுவலகங்களுக்கு மாற்றல் செய்து அனுப்பிவிட வேண்டும். மாற்றல் செய்து அனுப்பப்பட்ட விபரத்தை விண்ணப்பதாரருக்கு உடனடியாகத் தெரிவிக்க வேண்டும்.

இவ்வாறு தகவல் கேட்கும் விண்ணப்பதாரகளுக்கு 30 நாட்களுக்குள் தகவல் அளிக்கப்பட்டாக வேண்டும். தகவல் 30 நாட்களில் கிடைக்காவிட்டால் அதே அலுவலகத்தில் உள்ள மேல் முறையீட்டு அதிகாரிக்கு விண்ணப்பிக்க வேண்டும். அவரும் 30 நாட்களுக்குள் சரியான தகவல்கள் அளிக்காவிட்டால் தமிழக தகவல் ஆணையத்திற்கு மேல் முறையீடு செய்து தகவல் பெறலாம். தகவல் அளிக்கத் தவறும் அதிகாரிகளுக்கு நாள் ஒன்றுக்கு ரூ 250 வீதம் ரூ 25,000 வரை அபராதம் விதிக்கத் தமிழ்நாடு தகவல் ஆணையத்திற்கு அதிகாரம் உண்டு.

மேல்முறையீட்டிற்கான அலுவலக முகவரிகள்.

தமிழ்நாடு தகவல் ஆணையத்தின் முகவரி:

தலைமை ஆணையர்,
தமிழ்நாடு தகவல் ஆணையம்,
2,தியாகராய சாலை,
ஆலையம்மன் கோயில் அருகில்,
தேனாம்பேட்டை, சென்னை- 18.
Phone: 044- 24347590
Fax: 044 – 24357580
email : sic@nic.in

மத்திய தகவல் ஆணையத்தின் முகவரி:

CENTRAL INFORMATION COMMISSION
August Kranti Bhavan, Bhikaji Cama Place, New Delhi – 110 066
& Old JNU Campus, New Delhi – 110 067.
Phone:26161137 Fax: 26186536 Helpline: 61117666

நேர்மையான தகவலை கேட்டுபெறுங்கள்..!
இலவச சட்ட ஆலோசனை மற்றும் உதவிகளுக்கு அணுகவும் தேசிய சட்ட நீதி இயக்கம் 6379434453