கிராம ஊராட்சியின் அதிகாரமும் கடமைகளும்.

கிராம ஊராட்சியின் அதிகாரம் பற்றிய விழிப்புணர்வு பதிவு.

29 துறைகளின் அதிகாரங்கள்.

1) வேளாண்மை துறை : வேளாண்மை மற்றும் வேளாண்மை விரிவாக்கம்.

2) வருவாய் துறை: நிலசீர்திருத்தம் மற்றும் மண் வளப்பாதுகாப்பு.

• ஊரக ஏழை மக்களுக்கு உபரி நிலம் வழங்க பயனாளிகளை அடையாளம் காணுதல்.
• துறைக்கு உதவி செய்தல்.

3) பொதுப்பணி துறை: சிறுபாசனம் நீர் மேலாண்மை மற்றும் நீர் பிடிப்பு வளர்ச்சி.

• பணி மேற்கொள்ள கூடிய குளங்களை அடையாளம் காணுதல்.
• ஊராட்சி ஒன்றிய சிறு பாசனங்கள் பணி மேற்கொள்ள ஆலோசனை வழங்குதல்.

4) கால்நடை துறை: கால் நடை, பால் வளம் மற்றும் கோழி வளர்ப்பு.

• பயனாளிகளை அடையாளம் காணுதல்.
• கால்நடை வெட்டும் இடங்களை பராமரித்தல்.

5) கால் நடை துறை: மீன் வளம்.

• பயனாளிகளை அடையாளம் காணுதல்.
• மீன் பிடிப்போர் முகாமைக்கு உதவி அளித்தல்.
• கடல் அரிப்பினை தடுப்பு முயற்சிக்கு உதவுதல்.

6) வனத்துறை: சமூக காடுகள்.

• வனத்துறை சமூக காடு வளர்ப்பிற்கு ஒத்துழைப்பு அளித்தல்.
• கிராம ஊராட்சி நிலத்தினை சமூக காடு அறுபத்தி பொருட்கள் தயாரிக்க குத்தகை வழங்குதல்.
• குடியிருப்பு பகுதிகளில் மரங்கள் வளர்க்க உதவுதல்.

7) வனத்துறை: சிறுகாடுகள் உற்பத்தி.

• பயனாளிகளை அடையாளம் காணுதல்.
• காடுகளின் சிறு உற்பத்தி பொருட்கள் சந்தை படுத்த உதவுதல்.

8) சிறுத்தொழில்: சிறுத்தொழில்.

• பயனாளிகளை அடையாளம் காணுதல்.
• பயனாளிகளுக்கு கடன் வழங்க உதவி செய்தல்.

9) கதர் மற்றும் கிராம தொழில்: கதர் மற்றும் கிராம தொழில்.

• பயனாளிகளை அடையாளம் காணுதல்.
• கைவினை பயிற்சி மையங்கள் அமைக்க ஆலோசனை வழங்குதல்.
• பனை தொழில் திட்டம் தயாரித்தல்.

10) ஊரக வளர்ச்சி மற்றும் ஊராட்சி துறை: ஊரக வீட்டு திட்டம்.

• தாழ்த்தப்பட்ட பழங்குடியினர், பிற்படுத்தப்பட்டோர், மற்றும் மிக .பிற்படுத்தப்பட்டோர், ஆகிய பயனாளிகளுக்கு பட்டா வழங்க பயனாளிகளை அடையாளம் காணுதல்.
• திட்ட செயல்பாடு கண்காணித்தல்.

11) ஊரக வளர்ச்சி மற்றும் ஊராட்சி துறை: குடிநீர்.

• திறந்தவெளி கிணறு, ஆழ்துளை கிணறு, மற்றும் விசைப்பம்பு ஆகியவற்றை அமைத்தல் மற்றும் பராமரித்தல்.

12) சுற்று சூழல் மற்றும் வனத்துறை: எரிபொருள் மற்றும் தீவனம்.

• தரிசு நிலங்களை அடையாளம் காணுதல்.
• எரிபொருள் மற்றும் தீவன பயிர்கள் வளர்க்க உதவுதல்.

13) ஊரக வளர்ச்சி மற்றும் ஊராட்சி துறை: சாலை மற்றும் சிறுபாலம்.

• கிராம ஊராட்சி சாலைகள் அமைத்தல் மற்றும் பராமரித்தல்.

14) எரிசக்தி துறை: ஊரக மின்வசதி.

• கிராம ஊராட்சி பகுதிகளில் உள்ள தெருக்கள் மற்றும் பொது இடங்களில் தெரு விளக்கு அமைத்தல் மற்றும் பராமரித்தல்.

15) எரிசக்தி துறை: மரபு சாரா எரிசக்தி.

• பயனாளிகளை அடையாளம் காணுதல்.
• மரபு சாரா எரிசக்தி திட்டம் தயாரிக்க உதவுதல்.

16) ஊரக வளர்ச்சி மற்றும் ஊராட்சி துறை: வறுமை ஒழிப்பு.

• பயனாளிகளை அடையாளம் காணுதல்.
• வறுமை ஒழுத்து திட்டங்களை செயல்படுத்துதல்.

17) பள்ளி கல்வி துறை: ஆரம்ப கல்வி.

• பள்ளி கூடங்கள் கட்டுதல் மற்றும் பராமரித்தல்.
• பள்ளிகளில் நூல் நிலையம் துவங்க உதவுதல்.
• ஆரம்ப கல்வி பள்ளிகளை நடுநிலை பள்ளியாக உயர்த்த பரிந்துரை செய்தல்.
• கிராம ஊராட்சி பகுதிகளில் உள்ள பள்ளி செயல்பாடுகளை கண்காணிக்க கல்வி துணை குழு அமைத்தல்.

18) வேலைவாய்ப்பு துறை: தொழில் நுட்ப பயிற்சி மற்றும் தொழில் கல்வி.

• பயிற்சி தேவைகளை அடையாளம் காணுதல்.
• பயிற்சி மையங்களை காண உதவுதல்.
• தொழில் கல்வி துவங்க துறைக்கு உதவுதல்.

19) பள்ளி கல்வி துறை – முறைசாரா மற்றும் வயது வந்தோர் கல்வி.

• முறை சாரா கல்வி மையங்கள் அமைக்க உதவுதல்.
• கிராம பகுதிகளில் முறை சாரா கல்வி மையங்கள் செயல்பட துறைக்கு ஆலோசனை வழங்குதல்.

20) பள்ளி கல்வி துறை – நூல் நிலையம்.

• நூல் நிலையம் திறத்தல் மற்றும் பராமரித்தல்.
• நூல் நிலையத்திற்க்கான புத்தங்கங்கள் மற்றும் தினசரி தாள் வழங்குதல்.

21) சுற்றுலா வளர்ச்சி மற்றும் பண்பாடு துறை – கலை மற்றும் பண்பாடு செயல்பாடுகள்.

• உள்ளூர் விளையாட்டுகள், கலை மற்றும் பண்பாடுகள் ஊக்குவித்தல்.
• நாட்டுப்புற கலை இசை நாட்டியம் ஆகியவைகளை குறித்து விழிப்புணர்வு ஏற்படுத்துதல்.

22) ஊரக வளர்ச்சி மற்றும் ஊராட்சி துறை – சந்தை மற்றும் திருவிழா.

• கிராம ஊராட்சி சந்தைகளை துவங்குதல் மற்றும் பராமரித்தல்.
• தனியார் சந்தைகள் நடத்த அனுமதி வழங்குதல்.

23) மக்கள் நலவாழ்வு மற்றும் குடும்ப நலத்துறை – சுகாதாரம் மற்றும் நலவாழ்வு.

• வடிகால்கள் கட்டுதல் மற்றும் பராமரித்தல்.
• சுகாதார நிலையங்களை மேம்பாடு செய்தல்.
• மகளிர் சுகாதார வளாகம் மற்றும் பொது கழிப்பிடம் கட்டுதல் மற்றும் பராமரித்தல்.

24) மக்கள் நலவாழ்வு மற்றும் குடும்ப நலத்துறை – குடும்ப நலம்.

• பயனாளிகளை அடையாளம் காணுதல்.
• துணை சுகாதார பணியாளர்களுக்கு குழந்தை நலம் பேணுவதற்கு உதவுதல்.
• சுகாதாரம் குறித்து விழிப்புணர்வு ஏற்படுத்துதல்.

25) சமூக நலத்துறை – மகளிர் மற்றும் குழந்தை மேம்பாடு.

• சத்துணவு அங்கன்வாடி மையங்கள் பார்வையிடுதல்.
• குழந்தை காப்பகம் மற்றும் அங்கன்வாடி மையங்கள் துவக்க உதவுதல்.
• அங்கன்வாடி மையங்கள் கட்ட உதவுதல்.
• சுய உதவி குழுக்கள் அமைக்க பயனாளிகளை அடையாளம் காணுதல்.

26) சமூக நலத்துறை – மாற்று திறனாளி மற்றும் மனநலம் குன்றியவர்கள்.

• மாற்று திறனாளிகளுக்கு உதவுதல்.
• இளம்பிள்ளை வாதம் ஒழிப்பதற்கு உதவுதல்.

27) ஆதி திராவிடர் மற்றும் பழங்குடியினர் துறை – ஆதி திராவிடர் மற்றும் பழங்குடியினர் நலம்.

• திட்டம் செயல் பட உதவுதல்.
• பயனாளிகளை அடையாளம் காணுதல்.
• இடுகாட்டிற்கான சாலை அமைத்தல் மற்றும் பராமரித்தல்.
• இடுகாடு மற்றும் சுடுகாடு மராமரித்தல்.
• தாழ்த்தப்பட்ட மற்றும் பழங்குடி வாழ் பகுதிகளுக்கு உட்கட்டமைப்பு வசதி செய்து தருதல்.

28) கூட்டுறவு மற்றும் உணவுத்துறை – பொது விநியோகம்.

• கிராம ஊராட்சி சொந்த நிதியிலிந்து, பொது விநியோக கடையினை துவக்க அதிகாரம் வழங்குதல்.
• கிராம பகுதியில் உள்ள பொது விநியோக கடைகளை பார்வையிடுதல்.

29) ஊரக வளர்ச்சி மற்றும் ஊராட்சி துறை – சமுதாய சொத்து பராமரித்தல்.

• கிராம ஊராட்சி சாலைகள், தெருக்கள் மற்றும் மகளிர் சுகாதார வளாகங்கள் பராமரித்தல்.
• சுடுகாடு மற்றும் இடுகாடு ஆகியவற்றை துவங்குதல் மற்றும் பராமரித்தல்.
• ஊராட்சி அலுவலகம், சமுதாய கூடம், சத்துணவு மையம், பொது விநியோக கடைகள், மற்றும் இதர பொது கட்டிடங்கள் ஆகியவற்றை பராமரித்தல்.