அறிக்கை: நீதித்துறையின் மாண்பைச் சிதைக்கும் போலி வழக்கறிஞர்கள் – உடனடித் தீர்வு கோரி ஒரு பொது முறையீடு
தேதி: 16-04-2026
இடம்: சென்னை
கடந்த 15-04-2026 அன்று மெட்ராஸ் உயர்நீதிமன்ற (Madras High Court) வளாகத்தில் நிகழ்ந்த சில சம்பவங்கள், சட்டத்தின் மீது பற்றுள்ள ஒவ்வொரு குடிமக்களையும் அதிர்ச்சியில் ஆழ்த்தியுள்ளது. MHAA (Madras High Court Advocates Association) தேர்தலுக்கான பிரச்சாரத் துண்டுப் பிரசுரங்களை, சட்டப் படிப்புக்கும் நீதித்துறைக்கும் எவ்விதத் தொடர்பும் இல்லாத நபர்கள் நீதிமன்ற வளாகத்திற்குள் விநியோகித்துக் கொண்டிருந்ததைக் காண முடிந்தது; இது நீதிமன்றப் பாதுகாப்பில் உள்ள ஓட்டையை வெளிச்சம் போட்டுக் காட்டுகிறது.

சமீபகாலமாக, சமூகத்தில் “போலி வழக்கறிஞர்களின்” (Fake Advocates) ஊடுருவல் ஒரு பெரும் புற்றுநோயாகப் பரவி வருகிறது. குறிப்பாக, 12-ஆம் வகுப்பு கூட முடிக்காத அல்லது கல்லூரியின் வாசலையே மிதிக்காத சில இளைஞர்கள், வழக்கறிஞர்களுக்குரிய கறுப்பு மற்றும் வெள்ளை உடை அணிந்துகொண்டு, தங்களை முழுமையான வழக்கறிஞர்களாகச் சித்தரித்துக் கொள்கின்றனர். இத்தகைய நபர்கள் போலி அடையாள அட்டைகளையும், விசிட்டிங் கார்டுகளையும் (Visiting Cards) வைத்துக்கொண்டு, சட்டச் சிக்கல்களில் சிக்கியுள்ள அப்பாவிப் பொதுமக்களை ஏமாற்றிப் பெரும் பணத்தைச் சுரண்டுகின்றனர்.

இந்தச் சட்டவிரோதச் செயல்களால் ஏற்படும் பாதிப்புகள்:

• வழக்கறிஞர்களின் வாழ்வாதாரம்: நேர்மையான முறையில் சட்டப் படிப்பை முடித்து, முறைப்படி பார் கவுன்சிலில் பதிவு செய்து பயிற்சி பெற்று வரும் உண்மையான வழக்கறிஞர்களின் வாழ்வாதாரம் இதனால் பெரிதும் பாதிக்கப்படுகிறது.
• பொருளாதாரச் சுரண்டல்: போலி நபர்கள் மக்களிடம் பல மடங்கு கட்டணத்தை (Fees) வசூலித்துக் கொண்டு, அதில் ஒரு சிறு பகுதியை மட்டும் ஜூனியர் வழக்கறிஞர்களிடம் கொடுத்துப் பணிகளை முடிக்கின்றனர். இது ஒரு நிழல் உலகத் தொழில் போலச் செயல்பட்டு வருகிறது.
• நீதிமன்ற மாண்பு: சட்டத்தின் நுணுக்கங்கள் தெரியாத இத்தகைய நபர்களின் தலையீட்டால், உயர்நீதிமன்றத்திற்கு இருந்து வரும் புனிதமும், கண்ணியமும் (Dignity) மக்கள் மத்தியில் சிதைக்கப்படுகிறது.

உண்மையான வழக்கறிஞர்களை இழிவாக மதிப்பிடுவதும், நீதிமன்ற நடைமுறைகளை ஏலனம் செய்வதும் சட்டப்படி தண்டனைக்குரிய குற்றமாகும். Advocates Act, 1961 பிரிவு 45-ன் படி, தகுதியற்ற நபர்கள் வழக்கறிஞர் எனப் பொய் கூறுவது சிறைத்தண்டனைக்குரிய செயலாகும்.

எனவே, நீதித்துறையின் மாண்பைக் காக்க பின்வரும் நடவடிக்கைகளை உடனடியாக எடுக்க வேண்டுகிறோம்:

1. நீதிமன்ற வளாகத்திற்குள் நுழைபவர்களின் அடையாளத்தைத் தீவிரமாகச் சரிபார்க்க வேண்டும்.
2. பார் கவுன்சில் (Bar Council) மூலம் போலி வழக்கறிஞர்களைக் கண்டறியச் சிறப்புத் தணிக்கைக் குழுவை அமைக்க வேண்டும்.
3. பொதுமக்கள் ஏமாறாமல் இருக்க விழிப்புணர்வுப் பலகைகளை நீதிமன்ற வளாகங்களில் வைக்க வேண்டும்.
   சட்டமும் நீதியும் சாமானியர்களுக்கானது. அதன் புனிதத்தை ஒரு சில போலி நபர்கள் சிதைக்க அனுமதிப்பது ஒட்டுமொத்த சமூகத்திற்கும் ஆபத்தானது. இத்தகைய சட்டவிரோத செயல்களுக்கு எதிராக அரசு மற்றும் நீதித்துறை நிர்வாகம் உடனடியாக இரும்புக்கரம் கொண்டு நடவடிக்கை எடுக்க வேண்டும்.

இப்படிக்கு,
A. சாய்ரா பானு,
வழக்கறிஞர்,
சென்னை உயர்நீதிமன்றம்.
9940470424

MadrasHighCourt #barcounciloftamilnadu