தடை உத்தரவு (Injunction) என்றால் என்ன?
தடை உத்தரவு என்பது,
ஒரு நபர் சட்டவிரோதமாக ஒரு செயலை செய்யாமல் தடுக்கவோ அல்லது ஒரு செயலை செய்ய நீதிமன்றம் கட்டாயப்படுத்தவோ வழங்கப்படும் நீதிமன்ற உத்தரவு ஆகும்.
இது பொதுவாக சொத்து தகராறு, உரிமை மீறல், ஆக்கிரமிப்பு, தொந்தரவு, ஒப்பந்த மீறல் போன்ற வழக்குகளில் வழங்கப்படுகிறது.
உதாரணமாக:
- உங்கள் நிலத்தை யாராவது ஆக்கிரமிக்க முயன்றால்,
- வீட்டை இடிக்க முயன்றால்,
- பாதை மறிக்க முயன்றால்,
நீதிமன்றத்தில் தடை உத்தரவு கோரி மனு செய்யலாம்.
தடை உத்தரவு பெற நீதிமன்றம் கவனிக்கும் முக்கிய அம்சங்கள்
தடை உத்தரவு வழங்க நீதிமன்றம் பொதுவாக 3 முக்கிய அம்சங்களை பார்க்கும்:
◾ 1. Prima Facie Case (முதற்கண் உரிமை)
மனுதாரருக்கு
முதற்கண் பார்க்கும்போது சட்டபூர்வமான உரிமை இருப்பதை காட்ட வேண்டும்.
உதாரணம்:
பட்டா, சிட்டா, அடங்கல், விற்பனை பத்திரம், வரி ரசீது போன்ற ஆவணங்கள் மூலம் உரிமையை நிரூபிக்கலாம்.
◾ 2. Balance of Convenience (சௌகரிய சமநிலை)
தடை உத்தரவு வழங்கப்படாவிட்டால் மனுதாரருக்கு அதிக பாதிப்பு ஏற்படும் என்பதை நீதிமன்றம் பார்க்கும்.
உதாரணம்:
ஒரு கட்டிடம் இடிக்கப்பட்டால் பின்னர் அதை பழைய நிலைக்கு கொண்டுவர முடியாது.
◾ 3. Irreparable Injury (சரிசெய்ய முடியாத இழப்பு)
பணம் கொடுத்து ஈடு செய்ய முடியாத அளவுக்கு இழப்பு ஏற்படுமா என்பதை நீதிமன்றம் ஆராயும்.
உதாரணம்:
பூர்வீக நிலம் ஆக்கிரமிக்கப்படுவது, குடும்ப பாதை மறிக்கப்படுவது போன்றவை.
தடை உத்தரவு பெற தேவையான நீதிமன்ற நடைமுறை
,◾ வழக்கு தாக்கல்
சம்பந்தப்பட்ட சிவில் நீதிமன்றத்தில் வழக்கு தாக்கல் செய்ய வேண்டும்.
◾ இடைக்கால மனு (I.A. Petition)
வழக்குடன் சேர்த்து Order 39 Rule 1 & 2 CPC கீழ் தற்காலிக தடை மனு தாக்கல் செய்ய வேண்டும்.
◾ ஆவணங்கள் இணைத்தல்
- பட்டா
- சிட்டா
- அடங்கல்
- மின்சார ரசீது
- புகைப்படங்கள்
- சாட்சிகள்
போன்ற ஆதாரங்கள் இணைக்கப்பட வேண்டும்.
◾ அவசர தடை (Ex Parte / Ad-interim Injunction)
அவசர நிலை இருந்தால் எதிர் தரப்பை கேட்காமல் கூட நீதிமன்றம் தற்காலிக தடை வழங்கலாம்.
முக்கிய சட்டங்கள்
◾ Specific Relief Act, 1963 – Sections 36 to 42
◾ Civil Procedure Code, 1908 – Order XXXIX Rules 1 & 2
முக்கிய தீர்ப்பு
Dalpat Kumar v. Prahlad Singh
இந்த வழக்கில் உச்சநீதிமன்றம் கூறியது:
தற்காலிக தடை உத்தரவு வழங்க:
Prima facie case இருக்க வேண்டும்.
அகில இந்திய தகவல் மற்றும் சட்ட முன்னணி
வண்ணை A.ரவி. BA BL